"Siwonie isanga sa dawida....." mwana wa mzedu kabora huwo. Kughora loli, isanga iji jeko na malagho malazi ghawejineka iyo nguma. Hata ituku jimu ngasikira mdawana umu kikukasa wei kedi, ".........mzedu ni paradiso mwanedu, virakta divine kazi, maduma, manga na makaji ni vindo va masakenyi." Kola odeka kighora loli angu tee, ilagho jimweri jawekuwika worinyi, Dawida ni ya nguma.
Wadawida ni wandu wikundo nandighi loliloli, wumboa ghawo, lukundo lwawo na hekima nyingi wiko nayo yamanyikie kose putu. Hata ngera gheko ghamu matini matini ghawediwunja nanyuma kughora loli dikaghineka mghongo dichapata faida shuu angu wada wele??
5 comments:
Wadawida diwadane dikae kindo chimweri. Kwa kubonya huwo dichapata ndighi reditesia kusoghoda kimbiri. Chawuchenyi wanedu.
Naboilwa sana kwa agha maendeleo mshapa.Loli wadawida koka na wuya sa gwa choki ya kireti.
Mshapa... nebusa kafwani aha, Wadawida namroghua, Mwasinda. Ini neko mana.
Mwaghora aighu ya kusoweka kwa wumweri ghwa wadawida. Wumweri ghungi ndeghuko dawida. Sikunde kushinga wadawida mazozo ela siweghuwona!
Daghora mengi auighu ya iji ilagho ela yavika ngelo yebonya mabonyo disighe madedo.
Dibonye dikwane dikizoya na awa members wiko aha hata kawona weka mizi mizima mizima. Awaja wiko Mairobi wikwane Mairobi, Mwambasa woruwo...etc ini naka kimusi.
Ini neghora huwu, chala chimweri ndechibwagha inda. Iji dikunde diwone mabadiliko isangenyi, ni suti diwadane mikonu. Dizoye vikwanyiko vedikumba ngolo eri mipango diko nayo diwone yafaulu.
Wadawida wa kedu namroghua kwa ngolo kupoelwa na namvoya loliloli mukukase na wutamaduni ghwa kedu kokose dighendagha. Chawucha mshapa kwa ihi chia yeghalusana maghesho.
Post a Comment