Okenyi weke mwana....!

Voro, Mdawida waamba "kachongo uvae ndenoa!" Ihi blogu eva niko isenoa? Yawuya ya ikara putu! Ata huwo saki sena disharuasharua dipate kindo chimu. Dawida yazoya kudeghedeka ata ngera ni mboamboa, wa Nganga wadakualia moni sena uzoghuo uwue mghoma. Dichakia na kulongoena zaidi na kukukasa na Kidawida cha mzedu! Loli apart from isanga ja mzedu ja nguma deko na kilambo chingi chekusa nacho zaidi ya Kidawida cha mzedu? This is the only meaningful heritage left. Angu wada?

Events details for Taita Taveta Cultural Night 2012,Mombasa on 28 Apr 2012 to 29 Apr 2012 - Guide2Kenya

Events details for Taita Taveta Cultural Night 2012,Mombasa on 28 Apr 2012 to 29 Apr 2012 - Guide2Kenya

Wele Kwaki Wandu Wichalisha Mifugho Rawo Isangenyi ja Mzedu?

Kughora loli ulu ni lukongodo lubaa sana. Wele isi wadawida disenaa wuchokozi na mndungi kwaki wandu wikunda kudisowia ishima? Serikali kazi yake kulingana na haki ra wadamu yakundikie ilindia mbuwa ra kedu riselishiro mifungho ni vinding'a sa ivi! Loli mpaka toe difunge barabara niko disikirwagha? Ilagho iji janineka luwawo sana!

Methali angu Mighoro ya Kidawida

Mburi ya mturi ndeitalwa maghegho

Kachongo uvae ndenoa.

Lowukawuka lwakuagha chuwa.

Mziri ghwa shighadi ndeghusowagha chefunga.

Mwana ukaka na ndee ndeuboa wazungu.

Isanga ni mwasighwa.

Mmbi ndeghuna kiraka.

Musawi ndena mora.

Ghwaighu ghwadaduka ni ghwa ndenyi.

Mbewa ikatoa kishoo ndeilekaa.

Chawowa waende na sere.

Igho itini jakumbaa mburi kula.

Nyonyi ya isakenyi ni yako na ya mbenyu.

Kachelewa kwenda modenyi kuanywa mvurugho.

Ja shingire jelemie ghoroma.

Kukalemwa ni ya wuturi na yako ndekuidimagha.

Mkelemeri ndesowa wuya.

Chala chimweri ndechibara inda.

Wona gimbe rikineng'ena kusewone mano ghikifutuka.

Chia iwi relemieghe mbisi.

Mwakuli wadanya ghape gheni.

Mbuwa ijilo vindo yadamanyika matasa.

Njau mbaa idaaghia mavi na kirezi.

Mtang'arilwa ni mbwaghwa.

Gha imbiri ghadwae mvurugho.

Chovu ndeilemwa ni lwembe lwake.

Wele lwaka lwa wadawida isangenyi loko angu lofwa

Kughora loli wadawida lwaka lodu isangenyi lwafue putu na kawona bado lusefuye basi dawehohoria. Ihi tambo ikaendelea wei kedi diasungia luvunenyi seji malagho ghawaendela isangenyi basi kwa hakika dichabaki nanyuma loli-loli. Ni malagho malazi ghawaendelea isangenyi na hata kiongozi ungi wa wadawida ndetambue momu ukaghora ilagho jingi.

Dikazighana kwa milingizo yose ya maendeleo isangenyi daliwikie putu dawewonwa sa virokosho. Dichakutesia diweni wada kwa ilagho jingi kawona diaendelea kunyama chwii sa chiko kwaya. Dishaluke ditambuo memu yedu na disefo waya kukonua wuchafu eri ding'aleng'ale na kusikirwa. Dongocha aha… http://www.wadawida.com/forums/viewforum.php?f=82&sid=7bee1b62fe0132fe1d820ea541494c82

Njala, Modo, Vifo na Ngenga pacha isangenyenyi.

Wele wekemwana mlungu waka kula nasi kwaki huwu. Isanga jawuya ni kirangaranga kiduu. Wandu wiafwa ni njala na ndegwa pacha zaidi. Ughu mori ghwa Januari ghodeka ni pepo moni pepo. Kola makosa ghedu gheko hao, lakini wuloli ghwa malagho ni kwamba ndengwa yachee isangenyi. Dikazighana masanga gha Afrika Mashariki kwa hakika Kenya yaka na mbugha mbaa na kuteseka kusene kipimo. Viongozi ndevisikiranagha, weka nakundungama memo tuu kula ituku.

Dikwanye vongo wakundwa, diwadanishe maghesho na dolole chia yekufunya andenyi ya wasi ughu daka nagho mbaa.

01072008145